நடிகர் விஜய் நடித்த பீஸ்ட் திரைப்படம் இன்று வெளியானது. ரசிகர்களின் மிகுந்த எதிர்பார்ப்பிற்கு இடையே வெளியான இந்த திரைப்படத்தை விஜய் ரசிகர்கள் உற்சாகமாக கொண்டாடி வருகின்றனர்.
அந்த வகையிக் பெருங்களத்தூர் விஜய் மக்கள் இயக்கத்தை சேர்ந்த செந்தில்குமார் என்பவர் தலைமையில் தாம்பரம் நேசனல் தியேட்டரில் பீஸ்ட் திரைப்படம் பார்க்க வந்தனர். பின்னர் திரைப்படத்தை பார்த்து வெளியே வந்த ரசிகர்கள் மற்றும் பொதுமக்களை அதிர்ச்சிக்குள்ளாக்கும் வகையில் 100 பேருக்கு தலா ஒரு லிட்டர் பெட்ரோலை விஜய் ரசிகர் செந்தில்குமார் வழங்கினார். நாளுக்கு நாள் விலையேறும் பெட்ரோலை விஜய் ரசிகர்கள் வழஙகியது பொதுமக்களிடம் சந்தோஷத்தை ஏற்படுத்தியது.
இது குறித்து விஜய் மக்கள் இயக்கத்தை சேர்ந்த செந்தில்குமார் கூறுகையில், ரசிகர்களின் எதிர்ப்பார்த்தை பூர்த்தி செய்யும் வகையில் பீஸ்ட் திரைபடம் சிறப்பாக உள்ளது. விஜய் ரசிகர் நாங்கள் பல்வேறு நலத்திட்டங்களை செய்து வருகின்றோம். அந்த வகையில் இன்று நாளுக்கு நாள் விலையேறும் பெட்ரோலை, பொதுமக்களுக்கு இலவசமாக வழஙகி உள்ளதாக கூறினார்.
