கிழக்கு டெல்லியின் காஜிபூரில் உள்ள பூ மார்க்கெட்டில் வெடிகுண்டு பை ஒன்று கண்டுபிடிக்கப்பட்டதை அடுத்து அந்த பகுதி இன்று சுற்றி வளைக்கப்பட்டது.
இதனையடுத்து வெடிகுண்டு செயலிழப்பு படை, தீயணைப்பு வாகனங்கள் மற்றும் தேசிய பாதுகாப்பு படையினர் (என்எஸ்ஜி) சம்பவ இடத்திற்கு விரைந்துள்ளனர். அப்போது வெடிகுண்டு வெடிக்கச் செய்யப்பட்டு பெரும் விபத்து தவிர்க்கப்பட்டது.
இதற்கிடையே டெல்லி போலீஸ் சிறப்பு பிரிவு போலீசார் சம்பவ இடத்திற்கு விரைந்துள்ளனர். டெல்லி போலீஸ் கமிஷனர் ராகேஷ் அஸ்தானா செய்தியாளர் சந்திப்பில் காஜிபூர் மண்டியில் கண்டெடுக்கப்பட்ட வெடிகுண்டு மேம்படுத்தப்பட்ட வெடிகுண்டு (ஐஇடி) என்பதை உறுதிப்படுத்தினார்.
