சேலம் மாவட்டம் மேட்டூர் அருகே பழுதாகி நின்ற டிராக்டரின் பின்னால் மோட்டார் சைக்கிள் மோதிய விபத்தில் தந்தை மகன் பலியாகினர்.
மூலகாட்டைச் சேர்ந்த கூலி தொழிலாளியான அன்பு அவரது மகன் கார்த்திக் உடன் கொளத்தூருக்கு இருசக்கர வாகனத்தில் சென்றுள்ளனர். அங்கு வேலை முடிந்து ஊர் திரும்பிய போது, விராலிக்காடு என்ற இடத்தில் பழுதாகி நின்றிருந்த டிராக்டரின் மீது பைக் மோதியது. இந்த விபத்தில் தந்தையும், மகனும் சம்பவ இடத்திலேயே துடிதுடித்து உயிரிழந்தனர். தகவல் அறிந்து வந்த போலீசார் விபத்து குறித்து விசாரித்து வருகின்றனர். முன்னதாக சடலங்களை மீட்டு மருத்துவமனைக்கு அனுப்பி வைத்தனர்.
