மலையாள திரைப்பட இயக்குனர் சேதுமாதவன் காலமானார் – கமல்ஹாசன் இரங்கல்

திரைப்பட இயக்குனர் கே.எஸ்.சேதுமாதவன் வயது மூப்பு காரணமாக சென்னையில் காலமானார். அவருக்கு வயது 90. தமிழ், இந்தி, தெலுங்கு, கன்னடம் உள்ளிட்ட பிற மொழிகளில் படங்களை இயக்கிய மலையாள இயக்குனர் இவர். மலையாள சினிமா உலகிற்கு நடிகர் கமல்ஹாசனை அறிமுகப்படுத்தியவர்.

இயக்குனர் கே.எஸ். சேதுமாதவன். நாளை நமதே உள்ளிட்ட 75 படங்களை இயக்கியுள்ளார். சிறந்த திரைப்பட இயக்குனருக்கான தேசிய விருது, பிலிம் பேர் விருது, நந்தி விருது உள்ளிட்ட பல விருதுகளை வென்றுள்ளார். எஸ்.சேதுமாதவன் உடல் கோடம்பாக்கத்தில் உள்ள அவரது இல்லத்தில் அஞ்சலிக்காக வைக்கப்பட்டுள்ளது.

இந்நிலையில், மலையாள திரைப்பட இயக்குனர் சேதுமாதவன் மறைவுக்கு கமல்ஹாசன் இரங்கல் தெரிவித்துள்ளார். இது குறித்து அவர் வெளியிட்ட பதவில்,

காலத்தால் அழியாத காவியங்களைத் திரையில் படைத்த கே.எஸ்.சேதுமாதவன் புதிய அலை சினிமாவின் ஊற்றுமுகம்.மலையாள சினிமாவின் தரத்தைத் தீர்மானித்த அடிப்படை விசைகளுள் ஒருவர்.தன் கலைச்சாதனைகளால் என்றென்றும் நினைவு கூரப்படுவார்.என் சேது சாருக்கு, நல்ல சினிமாவை கற்பித்த ஆசிரியருக்கு அஞ்சலிகள் என பதிவிட்டுள்ளார்.

காலத்தால் அழியாத காவியங்களைத் திரையில் படைத்த கே.எஸ்.சேதுமாதவன் புதிய அலை சினிமாவின் ஊற்றுமுகம்.மலையாள சினிமாவின் தரத்தைத் தீர்மானித்த அடிப்படை விசைகளுள் ஒருவர்.தன் கலைச்சாதனைகளால் என்றென்றும் நினைவு கூரப்படுவார்.என் சேது சாருக்கு, நல்ல சினிமாவை கற்பித்த ஆசிரியருக்கு அஞ்சலிகள். pic.twitter.com/CXPcyVuMDA

— Kamal Haasan (@ikamalhaasan) December 24, 2021