வீர வணக்க நாளை முன்னிட்டு, கொரோனா தொற்றால் உயிரிழந்த இன்ஸ்பெக்டரின் வீட்டுக்கு சென்று கமிஷனர் மகேஷ்குமார் அகர்வால் அவரது குடும்பத்தினருக்கு ஆறுதல் தெரிவித்தார்.
சென்னை, மாம்பலம் போலீஸ் சட்டம் – ஒழுங்கு இன்ஸ்பெக்டராக பணிபுரிந்து வந்தவர் பாலமுரளி. கடந்த ஜுன் மாதம் 17ம் தேதி கொரோனா தொற்றால் உயிரிழந்தார். இன்று வீர வணக்க நாளை முன்னிட்டு இந்தியா முழுவதும் பணியின் போது உயிர் நீத்த காவல் ஆளிநர்களுக்கு அஞ்சலி செலுத்தப்பட்டது.
இன்று காலையில் சென்னை டிஜிபி அலுவலகத்தில் நடந்த வீர வணக்க நாள் அஞ்சலி செலுத்தும் நிகழ்ச்சியில் கலந்து கொண்ட கமிஷனர் மகேஷ்குமார் அகர்வால் அதனையடுத்து சென்னை மாம்பலம் போலீஸ் குடியிருப்பில் வசிக்கும் இன்ஸ்பெக்டர் பாலமுரளியின் குடும்பத்தினரை நேரில் சந்தித்து அவர்களுக்கு ஆறுதல் சொன்னார்.
