உத்திரமேரூர் அடுத்த தண்டரை கூட்ரோடு பகுதியில் வீட்டை உடைத்து கொள்ளை

உத்திரமேரூர்,

உத்திரமேரூர் அடுத்த தண்டரை கூட்ரோடு பகுதியில் வசிப்பவர் சார்லஸ் (47). விவசாயி. சமீபத்தில்பெய்த கனமழையால், தனது விவசாய நிலத்தில் தண்ணீர் நிறைந்துள்ளது. இதையொட்டி, நிலத்தில் பயிரிடுவதற்காக சில நாட்களாக விவசாய பணியில் ஈடுபட்டுள்ளார். இந்நிலையில் நேற்று காலை சார்லஸ், வீட்டை பூட்டி கொண்டு வயலுக்கு சென்றார். மதியம் வீடு திரும்பியபோது, வீட்டின் கதவு திறந்து இருப்பதை கண்டு அதிர்ச்சியடைந்தார்.

உள்ளே சென்று பார்த்தபோது பீரோவை உடைத்து, அதில் இருந்த 15 சவரன் தங்க நகை, 10 ஆயிரத்தை மர்மநபர்கள் கொள்ளையடித்து சென்றது தெரிந்தது. புகாரின்படி பெருநகர் போலீசார் வழக்குப்பதிவு செய்து விசாரிக்கின்றனர்.