ஐ.எஸ்.எல். கால்பந்து போட்டியின் 22-வது லீக் ஆட்டத்தில் மும்பை சிட்டி எப்.சி. அணி 2-1 என்ற கோல் கணக்கில் சென்னையின் எப்.சி.யை வீழ்த்தியது.
7-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி கோவாவில் நடந்து வருகிறது. இதில் நேற்று இரவு நடந்த 22-வது லீக் ஆட்டத்தில் மும்பை சிட்டி எப்.சி. அணி 2-1 என்ற கோல் கணக்கில் சென்னையின் எப்.சி.யை வீழ்த்தியது. சென்னை அணியில் ஜாகுப் சில்வெஸ்டர் 40-வது நிமிடத்தில் கோல் அடித்தார்.
மும்பை அணி தரப்பில் ஹெர்னன் சந்தனா 45-வது நிமிடத்திலும், ஆடம் லி போன்ட்ரே 75-வது நிமிடத்திலும் கோல் போட்டனர். முதல் ஆட்டத்தில் தோல்வியை சந்தித்த மும்பை அணி அதன் பிறகு தொடர்ச்சியாக பெற்ற 4-வது வெற்றி இதுவாகும். 4-வது ஆட்டத்தில் ஆடிய சென்னை அணிக்கு இது 2-வது தோல்வியாகும். முந்தைய ஆட்டத்திலும் அந்த அணி தோல்வி கண்டு இருந்தது.
