கொரோனாவால் உயிரிழந்த எஸ்ஐயின் உருவப்படத்துக்கு டிஜிபி, கமிஷனர் மலரஞ்சலி

சென்னை, செகரேட்டரியேட் காலனி எஸ்ஐ பாபு பணியின் போது கொரோனா பாதிப்படைந்து நேற்று உயிரிழந்தார்.

அவரது திருவுருவப்படத்துக்கு காவல்துறை அதிகாரிகள் அஞ்சலி செலுத்தும் நிகழ்ச்சி நேற்று செகரேட்டரியேட் காலனி போலீஸ் நிலைய வளாகத்தில் நடந்தது. இந்நிகழ்ச்சியில் தமிழக டிஜிபி திரிபாதி, போலீஸ் கமிஷனர் மகேஷ்குமார் அகர்வால்

ஆகியோர் கலந்து கொண்டு எஸ்ஐ பாபுவின் உருவப்படத்துக்கு மலரஞ்சலி செலுத்தினார். காவல் அதிகாரிகள் மற்றும் ஆளிநர்கள் மலரஞ்சலி செலுத்திய பின்னர் 2 நிமிடம் மவுன அஞ்சலி செலுத்தினர். இந்நிகழ்ச்சியில் கூடுதல் கமிஷனர்கள் அமல்ராஜ், தினகரன், அருண், கண்ணன் மற்றும் இணைக்கமிஷனர் சுதாகர், கீழ்ப்பாக்கம் துணைக்கமிஷனர் அதிவீரபாண்டியன் காவல் அதிகாரிகள் மற்றும் காவல் ஆளிநர்கள் கலந்து கொண்டு மலர் தூவி அஞ்சலி செலுத்தினர்.
******