கொலை முயற்சி வழக்கில் கைதாகி பிணையில் வெளியே வந்து நீதிமன்றத்தில் ஆஜராகாமல் தலைமறைவான குற்றவாளியை போலீசார் கைது செய்தனர்.
சென்னை, அம்பத்துார், அத்திப்பட்டைச் சேர்ந்த ரவுடி அப்பு (எ) காக்கா (22). கடந்த 2013ம் ஆண்டு ஐசிஎப் காவல் நிலையத்தில் கொலை முயற்சி வழக்கில் கைதாகி சிறையில் அடைக்கப்பட்டார். பின்னர் ஜாமினில் சென்றவர் 2018ம் ஆண்டு முதல் நீதிமன்றத்தில் ஆஜராகாமல் தலைமறைவாகி விட்டார். அது தொடர்பாக கோர்ட் அப்புவை கைது செய்ய பிடிவாரண்டு பிறப்பித்தது. அதனையடுத்து ஐசிஎப் போலீசார் அப்புவை நேற்று கைது செய்து சிறையில் அடைத்தனர்.
