தமிழ் சினிமாவில் முன்னணி நடிகராக வலம் வருபவர் நடிகர் விஜய். இவர் நடிப்பில் கடைசியாக வெளியான படம் மாஸ்டர். இப்படம் நல்ல வரவேற்பை பெற்றது. தற்போது நெல்சன் இயக்கத்தில் விஜய் நடிக்கும் படம் “பீஸ்ட்”. விஜய்க்கு ஜோடியாக பூஜா ஹெக்டே நடிக்கிறார். இப்படத்தின் படப்பிடிப்பு சென்னையில் வைத்து நடைபெற்று வருகிறது.
இந்நிலையில், விஜய்யின் அடுத்த படம் குறித்து பரபரப்பு தகவல் வெளியாகியுள்ளது. விஜய் அடுத்து நடிக்கும் 66 வது படத்தை தெலுங்கு பட அதிபர் தில்ராஜூ தயாரிக்கிறார். மேலும் இப்படத்திற்கு விஜய்க்கு 120 கோடி சம்பளம் கொடுப்பதாக தகவல் வெளியாகியுள்ளது. இதன்மூலம் தென்னிந்தியாவிலேயே அதிக சம்பளம் வாங்கும் நடிகராக விஜய் திகழ்கிறார்.
