பூந்தமல்லி சிறையில் இருந்து கைதிகளிடம் கஞ்சா செல்போன் பறிமுதல்

சென்னை, பூந்தமல்லி தனிக்கிளை சிறையில் கைதிகளிடம் இருந்து கஞ்சா, செல்போன்கள், பேட்டரி ஆகியவற்றை போலீசார் பறிமுதல் செய்தனர்.

பூந்தமல்லி தனிக்கிளை சிறை, துணை சிறை அலுவலர் தலைமையிலான சிறை காவலர்கள் நேற்று சிறைக்குள் புகுந்து திடீரென அதிரடி சோதனை நடத்தினர். இதில் 2வது பிளாக்கில் ஆய்வு நடத்தியதில் குற்ற வழக்குகளில் கைது செய்யப்பட்டு சிறையில் உள்ள முருகன் (எ) லோகு முருகன் என்ற கைதியிடமிருந்து 20 கிராம் எடை கொண்ட கஞ்சா, 1 செல்போன், 1 ஏர்டெல் சிம், 1 சார்ஜர் மற்றும் பேட்டரி ஆகியவை போன்றவை பறிமுதல் செய்யப்பட்டது. அதே போல பாசில் (33) என்ற சிறை கைதியை சந்தேகத்தின் பேரில் சிறைத்துறை அதிகாரிகள் சோதனை செய்த போது அவரிடம் 1 சாம்சங் செல், 1 ஏர்டெல் சிம் மற்றும் 1 சார்ஜர் போன்றவை பறிமுதல் செய்யப்பட்டன. அவை பூந்தமல்லி போலீஸ் நிலையத்தில் ஒப்படைக்கப்பட்டன. அது தொடர்பாக சிறை அலுவலர் அளித்த புகாரின் பேரில் குற்றவாளிகள் முருகன் (எ) லோகு முருகன், பாசில் ஆகிய இருவர் மீதும் போலீசார் வழக்குப்பதிவு செய்து நடவடிக்கை எடுத்துள்ளனர்.