‘ஓ மை கடவுளே’ படத்தின் மூலம் பிரபலமான வாணி போஜன், மீண்டும் அசோக் செல்வனுக்கு ஜோடியாக நடிக்க உள்ளாராம்.
தொலைக்காட்சி தொடர்களில் நடித்து பிரபலமான வாணி போஜன், அறிமுக இயக்குநர் அஷ்வத் மாரிமுத்து இயக்கத்தில் கடந்தாண்டு வெளியாகி வெற்றி பெற்ற ‘ஓ மை கடவுளே’ படம் மூலம் சினிமாவுக்கு வந்தார். பேண்டசி படமான இதில் அசோக் செல்வனுக்கு ஜோடியாக வாணி போஜன் நடித்திருந்தார். அந்த படத்தில் வாணி போஜன் நடிப்புக்கு பாராட்டுகள் கிடைத்தன. இதையடுத்து பட வாய்ப்புகளும் குவிந்தன.
இந்நிலையில், நடிகை வாணி போஜன் நடிக்கும் புதிய படம் குறித்த தகவல் வெளியாகி உள்ளது. அதன்படி அப்படத்தை அறிமுக இயக்குனர் வெங்கட் இயக்க உள்ளாராம். இவர் இயக்குனர் மோகன் ராஜாவிடம் உதவி இயக்குனராக பணியாற்றியவர். அதேபோல் இப்படத்தில் வாணி போஜனுக்கு ஜோடியாக அசோக் செல்வன் நடிக்க உள்ளதாக கூறப்படுகிறது. விரைவில் இதுகுறித்த அறிவிப்பு வெளியாகும் என கூறப்படுகிறது.
