தமிழக அரசு சார்பில் இலவச கொரோனா தடுப்பூசி செலுத்தும் முகாம் இரண்டாம் நாளாக கொடைக்கானலில் பல்வேறு இடங்களில் போடப்பட்டு வருகிறது. பொதுமக்கள் ஆர்வமுடன் தடுப்பூசி போட்டு வருகின்றனர்.
தமிழகத்தில் கொரோனா பரவல் அதிகரித்து வரும் சூழலில் தமிழக அரசு சார்பில் பல்வேறு இடங்களில் கொரோனா தடுப்பூசி போடப்பட்டு வருகிறது. பொதுமக்களுக்கு விழிப்புணர்வு ஏற்படுத்தும் வகையில் தமிழக அரசு சார்பில் பல்வேறு நடவடிக்கைகளும் எடுக்கப்பட்டு வருகிறது.
இந்நிலையில் கொடைக்கானலில் இரண்டாம் நாளாக நாயுடுபுரம் பகுதியில் சுகாதார துறையினர் தடுப்பூசி போட்டு வருகின்றனர்.
இதில் பொதுமக்கள் மற்றும் இளைஞர்கள் , இளம் பெண்கள் ஆர்வமுடன் தடுப்பூசி போட்டு கொண்டனர். இதில் அனைவரும் சமூக இடைவெளியை பின்பற்றி இருந்தனர். தொடர்ந்து இரண்டு நாட்களில் 1000த்திற்கும் மேற்பட்டோர் தடுப்பூசிகளை செலுத்தி கொண்டனர்.
