சமுத்திரக்கனி நடிப்பில் தற்போது உருவாகியுள்ள படம் ரைட்டர். நீலம் புரொடக்ஷன்ஸ் சார்பில் பா.ரஞ்சித் தயாரிக்கும் இப்படத்தில் இனியா கதாநாயகியாக நடிக்கிறார். இப்படம் கிறிஸ்துமஸுக்கு டிசம்பர் 24ஆம் தேதி வெளியாகிறது. இப்படத்தின் பத்திரிகையாளர் சந்திப்பு சென்னையில் நடைபெற்றது.
இதில் பேசிய இனியா, ரைட்டர் படத்தின் இயக்குனர் பிராங்க்ளின் என்னிடம் கதை சொல்லும் போது சிறப்பாக சொன்னார். ஆனால் அதில் என்னுடைய கதாபாத்திரம் மட்டும்தான் என்று சொல்லவே இல்லை.உங்கள் கதாபாத்திரம் சஸ்பென்ஸ் என்றார். இந்தப் படத்தில் ஆக்ஷன் காட்சிகளில் நடித்துள்ளேன்.
இப்படத்தில் சமுத்திரக்கனிதான் ஹீரோ என்பது தெரியாது. ஏதோ முக்கியமான கதாபாத்திரத்தில் நடிக்கிறார் என்று நினைத்தேன். அவர்தான் ஹீரோ என்பது படப்பிடிப்பு தளத்தில் தான் தெரியும். தயாரிப்பாளர் பா.ரஞ்சித் இயக்கத்தில் முழுப் படத்திலும் நடிக்க விரும்புவதாக கூறினார்.
