தமிழக அரசு தொல்லியல் துறையின் முதல் இயக்குனராக பணியாற்றி ஓய்வு பெற்ற தொல்லியல் ஆய்வாளரும், கல்வெட்டு ஆய்வாளருமான நாகசாமி , உடல்நலக்குறைவால் சென்னையில் நேற்று காலமானார்.
இந்நிலையில், தமிழக வரலாற்றை புரிந்து கொள்வதில் ஒரு வரலாற்றாசிரியராக நாகசாமியின் பங்களிப்பு முக்கியமானது என்று பதிவிட்டு மக்கள் நீதி மய்யம் தலைவரும் நடிகருமான கமல்ஹாசன் அவருக்கு அஞ்சலி செலுத்தியுள்ளார். அவர் டுவிட்டர் பதிவில் கூறியிருப்பதாவது:-
‘மூத்த தொல்லியல் ஆய்வாளர் இரா.நாகசாமி மறைந்தார். தமிழக வரலாற்றை அறிந்துகொள்வதில் ஒரு வரலாற்று ஆய்வாளராக இவரது பங்களிப்பு முக்கியமானது. கல்வெட்டுகள், கலை மரபுகள், ஆலயங்கள் குறித்து இவரெழுதிய நூல்கள் நம் அறிதலின் எல்லையை விஸ்தரிக்கக் கூடியவை. அஞ்சலிகள்’ என்று பதிவிட்டுள்ளார்.
