தமிழகத்தில் இன்று 2,522 பேருக்கு கொரோனா தொற்று கண்டறியப்பட்டுள்ளதாக, தமிழக சுகாதாரத்துறை தெரிவித்துள்ளது.
தமிழக சுகாதாரத்துறை அன்றாட கொரோனா தொற்று பாதிப்பு விவரங்களை தினமும் மாலையில் வெளியிட்டு வருகிறது. இன்றைய பாதிப்பு நிலவரங்கள் குறித்து சுகாதாரத்துறை வெளியிட்ட அறிக்கை விவரம்:
தமிழகத்தில் இன்று 2,522 பேருக்கு கொரோனா தொற்று கண்டறியப்பட்டுள்ளது. இதன் மூலம் கோவிட் தொற்று பாதித்தவர்கள் எண்ணிக்கை 7,14,235-ஆக உயர்ந்துள்ளது.
கொரோனா தொற்றில் இருந்து தமிழகத்தில் இதுவரை 6,75,518 குணமடைந்து டிஸ்சார்ஜ் ஆகியுள்ளனர். இன்று ஒரே நாளில் 4,029 பேர் வீடு திரும்பியுள்ளனர். சென்னையில் இன்று ஒரே நாளில் 695 பேர் கொரோனானால் பாதிக்கப்பட்டுள்ளனர். சென்னையில் மொத்தம் 197077 பேர் பாதிக்கப்பட்டுள்ளனர்.
கொரோனாவால் தமிழகத்தில் இன்று மேலும் 27 பேர் உயிரிழந்துள்ளனர். மொத்தம் பலி எண்ணிக்கை 10,983 ஆக அதிகரித்துள்ளது. இதுவரை 96,60,430 பேருக்கு கொரோனா பரிசோதனை செய்யப்பட்டுள்ளது. இன்று மட்டும் 70,687 மாதிரிகள் கொரோனா பரிசோதனை செய்யப்பட்டுள்ளது.
தமிழகத்தில் இதுவரை கொரோனா பாதிக்கப்பட்டவர்களில் 4,31,112 பேர் ஆண்கள், இன்றைக்கு மட்டும் 1,518 ஆண்கள் பாதிக்கப்பட்டுள்ளனர். பெண்களில் 2,83,091 பேருக்கு பாதிப்பு ஏற்பட்டுள்ளது. இன்று மட்டும் பாதிப்புள்ள 1,004 பெண்கள் கண்டறியப்பட்டுள்ளதாக, சுகாதாரத்துறை தெரிவித்துள்ளது.
