தமிழகத்தில் இன்று கொரோனா கண்டறியப்பட்டவர்களின் எண்ணிக்கை 2,608 ஆகும். இன்று ஒரே நாளில் 38 பேர் உயிரிழந்தனர்.
இது தொடர்பாக சுகாதாரத்துறை வெளியிட்டுள்ள அறிக்கையில், தமிழக அளவில் இன்று ஒரேநாளில் 2,608 பேருக்கு தொற்று கண்டறியப்பட்டுள்ளது. சென்னையில் மட்டும் இன்று 723 பேர் கொரோனா தொற்றுக்கு பாதிக்கப்பட்டுள்ளனர்.
தமிழகத்தில் கொரோனா நோயாளிகள் தனிமைப்படுத்தப்பட்டவர்கள் மொத்த எண்ணிக்கை 23,532 ஆகும். மொத்தம் எடுக்கப்பட்ட மாதிரிகளின் எண்ணிக்கை 98,85,443. இன்று ஒரு நாளில் எடுக்கப்பட்ட சோதனை மாதிரி எண்ணிக்கை 77,356 ஆகும்.
அதேபோல், மொத்தம் கொரோனா தொற்று உள்ளவர்கள் எண்ணிக்கை 7,22,011. இதில் ஆண்கள் 4,35,783 பேர். பெண்கள் 2,86,196 பேர். மூன்றாம் பாலினத்தவர் 32 பேர். இன்று டிஸ்சார்ஜ் ஆனவர்கள் 3,924 பேர். இதுவரை மொத்தம் டிஸ்சார்ஜ் ஆனவர்கள் 6,87,388 பேர் என்று, தமிழக சுகாதாரத்துறை தெரிவித்துள்ளது.
