ஸ்ரீரங்கம் ரங்கநாதர் ஆலயத்தின் முக்கிய நிகழ்வான சொர்க்க வாசல் திறப்பை முன்னிட்டு கூடுதல் முன்னெச்சரிக்கை நடவடிக்கை எடுக்கப்பட்டுள்ளது. வைகுண்ட ஏகாதசி விழா வரும் 14ம் தேதி தொடங்கி, ஜனவரி 4 ஆம் தேதி வரை நடைபெற உள்ளது.
அதன்படி, கொரோனா பரவல் தடுப்பு நடவடிக்கையாக வைகுண்ட ஏகாதசி திருவிழாவின் முக்கிய நிகழ்ச்சியான சொர்க்கவாசல் திறப்பு முன்னிட்டு வரும் 24ம் தேதி மாலை 6-மணி முதல் 25ம் தேதி காலை 8 மணி வரை (25ம் தேதி அதிகாலை 4.45 மணிக்கு சொர்க்க வாசல் திறப்பு) ஸ்ரீரங்கம் கோயிலில் பக்தர்களுக்கு அனுமதி இல்லை.
காலை 8 மணிக்கு பிறகு ஆன் லைனில் பதிவு செய்த பக்தர்கள் அரசு வழிகாட்டுதலின்படி தரிசனம் அனுமதி வழங்கப்படும் வழிகாட்டு நெறிமுறைகள் வெளியீடு. வைகுண்ட ஏகாதேசி விழாவை 21 நாட்களும் கோயில் இணையதளத்தில் பக்தர்கள் தடையின்றி கண்டுகளிக்க ஏற்பாடு.
