தமிழகத்தில் இன்று 1,464 பேருக்கு கொரோனா தொற்று உறுதி செய்யப்பட்டுள்ளது. இன்று 14 பேர் கொரோனாவுக்கு பலியாகி உள்ளனர்.
தமிழகத்தில் இன்று கண்டறியப்பட்ட கொரொனா நோயாளிகளின் விவரங்களை, தமிழக சுகாதாரத்துறை இன்று மாலை வெளியிட்டுள்ளது. அதில் கூறியிருப்பதாவது:
தமிழகத்தில் இன்று 1,464 பேருக்கு கொரோனா தொற்று உறுதி செய்யப்பட்டுள்ளது. இதன் மூலம், மாநிலத்தில் கொரோனா உறுதி செய்யப்பட்டவர்களின் மொத்த எண்ணிக்கை 7 லட்சத்து 76 ஆயிரத்து 174 ஆக அதிகரித்துள்ளது.
கோவிட்19 வைரஸ் பரவியவர்களில் இன்று ஒரே நாளில் ஆயிரத்து 797 பேர் சிகிச்சைக்கு பின் மருத்துவமனையில் இருந்து டிஸ்சார்ஜ் செய்யப்பட்டுள்ளனர். இதனால் தமிழகத்தில் கொரோனாவில் இருந்து குணமடைந்தவர்களின் மொத்த எண்ணிக்கை 7 லட்சத்து 53 ஆயிரத்து 332 ஆக உயர்ந்துள்ளது.
தமிழகத்தில் இன்று கொரோனா வைரஸ் தாக்குதலுக்கு 14 பேர் உயிரிழந்துள்ளனர். அரசு மருத்துவமனைகளில் 8 பேர் தனியார் மருத்துவமனைகளில் 6 பேர் என கொரோனாவுக்கு பலியாகினர்.
இதனால், தமிழகத்தில் கோவிட் தொற்று தாக்குதலுக்கு பலியானோர் எண்ணிக்கை 11 ஆயிரத்து 669 ஆக அதிகரித்துள்ளது. சென்னையில் மட்டும் கொரோனாவால் இதுவரை 3,837 பேர் உயிரிழந்துள்ளனர்.
