தமிழகத்தில் இன்று ஒரேநாளில் மட்டும் 1,557 பேருக்கு கொரோனா தொற்று கண்டறியப்பட்டுள்ளது; இன்று மட்டும் 17 பேர் உயிரிழந்துள்ளனர்.
இது தொடர்பாக, தமிழக சுகாதாரத்துறை இன்று மாலை வெளியிட்ட அறிக்கையில் கூறப்பட்டுள்ளதாவது:
தமிழகத்தில் இன்று 1,557 பேருக்கு கொரோனா தொற்று கண்டறியப்பட்டுள்ளது. இதன் மூலம், மொத்த எண்ணிக்கை 7,73,176 அதிகரித்துள்ளது. சென்னையில் மட்டும் மொத்த பாதிப்பு 2,12,970 ஆக அதிகரித்துள்ளது.
தமிழகத்தில் தனிமைப்படுத்துதலில் உள்ள கோவிட் நோயாளிளின் மொத்த எண்ணிக்கை 11,875 ஆகும்; மொத்தம் தொற்று உள்ளவர்கள் எண்ணிக்கை 7,73,176. இதில், இன்று தொற்று கண்டறியப்பட்டவர்களின் எண்ணிக்கை 1,557 ஆகும்.
இவர்களில், சென்னையில் தொற்று உறுதியானவர்கள் எண்ணிக்கை 469; மொத்தம் தொற்று கண்டறியப்பட்டவர்களில், ஆண்கள் 4,67,111 பேர்; பெண்கள் 3,06,032 பேர்; மூன்றாம் பாலினத்தவர் 33 பேர் ஆவர்.
இன்று டிஸ்சார்ஜ் ஆனவர்கள் 1,910 பேரையும் சேர்த்து, மொத்தம் டிஸ்சார்ஜ் ஆனவர்கள் எண்ணிக்கை, 7,49,662 ஆக அதிகரித்துள்ளது. தமிழகத்தில் இன்று ஒரேநாளில் கொரொனா தொற்றுக்கு பலியாவர்கள் 17 பேர்; சென்னையில் இன்று மட்டும் 7 பேர் உயிரிழந்துள்ளனர். மொத்த உயிரிழப்பு எண்ணிக்கை 11,639 ஆக உள்ளது.
