தமிழகத்தில் இன்று ஒரேநாளில் 1,430 பேருக்கு கொரொனா தொற்று கண்டறியப்பட்டுள்ளது. சென்னையில் மட்டும் 393 பேருக்கு பாதிப்பு உறுதி செய்யப்பட்டுள்ளது.
தமிழகத்தில் இன்று கண்டறியப்பட்டுள்ள கொரொனா தொற்று பாதிப்பு குறித்து, தமிழக சுகாதாரத்துறை இன்று வெளியிட்ட அறிவிப்பில் கூறியிருப்பதாவது:
இன்று ஒரு நாளில் எடுக்கப்பட்ட சோதனை மாதிரி எண்ணிக்கை 66,063 ஆகும்; மொத்தம் எடுக்கப்பட்ட மாதிரிகளின் எண்ணிக்கை 1,19,30,240 என அதிகரித்துள்ளது. தனிமைப்படுத்துதலில் உள்ளவர்களின் மொத்த எண்ணிக்கை 11,073 ஆகும்.
இன்று தொற்று உறுதியானவர்கள் எண்ணிக்கை 1,430; இதில் சென்னையில் மட்டும் இன்று 393 பேருக்கு கொரோனா தொற்று கண்டறியப்பட்டுள்ளது. மொத்தம் தொற்று உள்ளவர்கள் எண்ணிக்கை 7,79,046 ஆகும். இவர்களில், ஆண்கள் 4,70,670 பேர்; பெண்கள் 3,08,342 பேர். மூன்றாம் பாலினத்தவர் 34 பேர் ஆவர்.
கொரோனா பாதித்து மருத்துவமனையில் சிகிச்சை பெற்று வந்தவர்களில் இன்று டிஸ்சார்ஜ் ஆனவர்கள் 1,453 பேர்; மொத்தம் டிஸ்சார்ஜ் ஆனவர்கள் எண்ணிக்கை 7,56,279 ஆக அதிகரித்துள்ளது.
தமிழகத்தில் இன்று ஒரேநாளில் மட்டும் கொரோனா வைரஸ் நோய்த் தொற்றினால் 13 பேர் உயிரிழந்துள்ளனர். இதில் சென்னையில் இன்று 5 பேர் உயிரிழந்துள்ளனர். தமிழகத்தில் மொத்த பலி எண்ணிக்கை 11,694 ஆக உள்ளது. சென்னையில் மொத்தம் 3843 என அதிகரித்துள்ளது.
