ஐப்பசி பெளர்ணமியை முன்னிட்டு, பெரியகுளம் பகுதி மலைமேல் வைத்தியநாதசாமி கோவிலில் அன்னாபிஷேக விழா நடைபெற்றது.
தேனி மாவட்டம் பெரியகுளம் பகுதியில் மலைமேல் வைத்தியநாதசாமி திருக்கோவிலுக்குட்பட்ட தையல்நாயகி உடனுறை வைத்தியநாதர் திருக்கோவில் உள்ளது.
இந்த ஆலயத்தில், ஐப்பசி மாத பௌர்ணமி தினம் முன்னிட்டு வைத்தீஸ்வரன் சாமிக்கு காய்கறிகள் மற்றும் அன்னத்தால் அபிஷேகம் மற்றும் அலங்கார பூஜைகள் நடைபெற்றன.
அதேபோல் தையல்நாயகி அம்மனுக்கும் சிறப்பு பூஜைகள் நடைபெற்று விசேஷ அலங்காரத்தில் அருள்பாலித்தார். இதில் ஏராளமான பக்தர்கள் கலந்து கொண்டு சாமி தரிசனம் செய்தனர். பக்தர்களுக்கு காய்கறி மற்றும் அன்னம் பிரசாதமாக வழங்கப்பட்டது.
