தமிழகத்தில் இன்று ஒரே நாளில் 2652 பேருக்கு கொரோனா தொற்று கண்டறியப்பட்டுள்ளது. எனினும் பாதிக்கப்பட்டவர்களின் எண்ணிக்கை தொடர்ந்து 3 ஆயிரத்திற்கு கீழாக கட்டுக்குள் உள்ளது.
தமிழக அரசின் தடுப்பு நடவடிக்கைகளினால், கொரோனா எண்ணிக்கை நாளுக்கு நாள் குறைந்து வருகிறது. கொரோனா தொற்றின் எண்ணிக்கை 5வது நாளாக இன்றும் 3 ஆயிரத்திற்கும் குறைவாகவே கண்டறியப்பட்டுள்ளது.
தமிழகத்தில் இன்று ஒரேநாளில் 2,652 பேருக்கு கொரோனா தொற்று உறுதி செய்யப்பட்டுள்ளது. இதன்மூலம், தமிழகத்தில் கொரோனாவால் பாதிக்கப்பட்டவர்களின் எண்ணிக்கை 7,19,403ஆக அதிகரித்துள்ளது. அதிகபட்சமாக, சென்னையில் இன்று 756 பேர் பாதிக்கப்பட்டுள்ளனர்.
அதேபோல், கொரோனா தொற்றுக்கு இன்று ஒரே நாளில் 35 பேர் உயிரிழந்துள்ளனர். உயிரிழந்தவர்களின் மொத்த எண்ணிக்கை தமிழகத்தில் 11,053 ஆக உயர்ந்துள்ளது. ஒரே நாளில் 4,087 பேர் குணமடைந்தனர். இதனால், குணமடைந்தவர்களின் எண்ணிக்கை 6 லட்சத்து 83 ஆயிரத்து 464 ஆக அதிகரித்துள்ளது.
தமிழகத்தில் இன்று மட்டும் 75,224 கொரோனா மாதிரிகளும், இதுவரை 98,08,087 மாதிரிகளும் பரிசோதனை செய்யப்பட்டுள்ளது. தமிழகத்தில் கொரோனாவுக்கு 24,886 பேர் மருத்துவமனைகளில் சிகிச்சை பெற்று வருகின்றனர்.
