தமிழகத்தில் இன்று ஒருநாளில் மட்டும் 2,257 பேருக்கு கொரோனா தொற்று இருப்பது கண்டறியப்பட்டுள்ளது; சென்னையில் 585 பேர் பாதிப்பு ஏற்பட்டுள்ளது.
இதுதொடர்பாக, தமிழக சுகாதாரத்துறை இன்று மாலை வெளியிட்ட அறிக்கையில் கூறப்பட்டுள்ளதாவது: தமிழகத்தில், இன்று ஒருநாளில் மட்டும் 75,277 சோதனை மாதிரிகள் எடுக்கப்பட்டுள்ளன. மொத்தம் எடுக்கப்பட்ட மாதிரிகளின் எண்ணிக்கை 1,06,36,999 ஆகும்.
தமிழகத்தில் இன்று கொரோனா தொற்று உறுதியானவர்கள் எண்ணிக்கை 2,257 ஆகும். இதில், ஆண்கள் 1,380 பேர். பெண்கள் 877 பேர். இவர்களையும் சேர்த்து மொத்தம் தொற்று உள்ளவர்கள் எண்ணிக்கை 7,46,079 ஆக அதிகரித்துள்ளது. சென்னையில் தொற்று உறுதியானவர்கள் எண்ணிக்கை 585 பேர்.
மொத்தம் தொற்று உள்ளவர்கள் எண்ணிக்கையில் ஆண்கள் 4,50,473 பேர். பெண்கள் 2,95,573 பேர். மூன்றாம் பாலினத்தவர் 33 பேர். இன்று டிஸ்சார்ஜ் ஆனவர்கள் 2,308 பேர். மொத்தம் டிஸ்சார்ஜ் ஆனவர்களின் எண்ணிக்கை 7,15,892 ஆகும்.
இன்று ஒரேநாளில் கொரொனா வைரஸ் தொற்றுக்கு, 18 பேர் உயிரிழந்துள்ளனர். இதில் 6 பேர் தனியார் மருத்துவமனையிலும், 12 பேர் அரசு மருத்துவமனையிலும் இறந்தனர். சென்னையில் இன்று 10 பேர் உயிரிழந்துள்ளனர். மொத்த உயிரிழப்பு எண்ணிக்கை 11,362 ஆக உள்ளதாக, சுகாதாரத்துறை தெரிவித்துள்ளது.
