இலங்கைக்கு எதிரான முதல் டெஸ்ட் போட்டியில் 7 விக்கெட் வித்தியாசத்தில் இங்கிலாந்து அணி வெற்றி பெற்றது.
இலங்கை – இங்கிலாந்து அணிகள் இடையிலான முதலாவது டெஸ்ட் கிரிக்கெட் போட்டி காலேவில் நடந்தது. இதில் டாஸ் வென்று பேட் செய்த இலங்கை அணி முதல் இன்னிங்சில் 135 ரன்களில் ஆல் அவுட்டானது. அதைத் தொடர்ந்து களம் இறங்கிய இங்கிலாந்து 421 ரன்கள் எடுத்தது.
286 ரன்கள் பின்தங்கிய நிலையில் 2-வது இன்னிங்சை தொடங்கிய இலங்கை அணி 136.5 ஓவர்களில் 10 விக்கெட் இழப்புக்கு 359 ரன்கள் எடுத்து இங்கிலாந்திற்கு 76 ரன்களை மட்டுமே இலக்கு நிர்ணயித்தது. 4வது நாளான நேற்று இங்கிலாந்து அணி 15 ஓவர்களில் 3 விக்கெட் இழப்புக்கு 38 ரன்கள் எடுத்தது.
இந்நிலையில் இன்று 24.2 ஓவர்களில் 3 விக்கெட் இழப்புக்கு 76 ரன்கள் எடுத்து இங்கிலாந்து அணி 7 விக்கெட் வித்தியாசத்தில் வெற்றி பெற்றது. பேர்ஸ்டோவ் 35, லாரன்ஸ் 21 ரன்களுடன் ஆட்டமிழக்காமல் இருந்தனர்
